Toofan se guzre meri yaadon se tum

Toofan se gujre meri  yaado se tum,

Sab kuchh uda le gaye jane kahaan-kahaan.

Meri neend, mera chain,

mera suqoon, mere dil-o-jaan.

aahat jo teri aaye dil me,

agan si laga jati hai. 

saanse meri aahen meri,

bahak-bahak si jati hai.

mujhse nain milakar,

mujhme preet jagakar,

mere khwabo me rang bhar ke,

zindgi me nai umang bhar ke,

kar gaye mujhe fir tanha-tanha.

sab uda le gaye jane kahaan-kahaan.

aaj bhi dopahri panghat ko jati hu

sham hote hi chhat pe chali aati hu

wo khidki se teri galiyan dekhna

fir daud ke darwaje pe aana

tum bhool gaye shayad wo bahane purane

jab besudh chali aati thi tera wada nibhane

tere aane ki tamannai me meri,

zindgi hoti rahi dhuaan-dhuaan.

sab kuchh uda le gaye jane kahan-kahan,

Meri neend, mera chain,

mera suqoon, mere dil-o-jaan.

      hamid raja